29 ജനുവരി 2014

പ്രവാചകസ്മരണയില്‍ നബിദിനം ആഘോഷിച്ചു.


          പുല്ലൂരാംപാറ  ഹിദായത്തുല്‍  ഇസ്ലാം കമ്മിറ്റിയുടെ ആഭിമുഖ്യത്തില്‍  പ്രവാചകന്‍  മുഹമ്മദ്‌ നബി (സ ) യുടെ 1488 മത് ജന്മദിനം സമുചിതമായി ആഘോഷിച്ചു. മൂന്നു ദിവസങ്ങളിലായി നടന്ന പരിപാടിയില്‍  അയല്‍പക്ക സമ്മേളനം, ഹെല്‍ത്ത്  ക്യാമ്പയിന്‍, നബിസ്നേഹ പ്രഭാഷണം, ബൈക്ക് റാലി, സന്ദേശ ഘോഷയാത്ര, അന്ന ദാനം, കലാപരിപാടികള്‍ തുടങ്ങിയവ ഉള്‍കൊണ്ടു. 

          സ്നേഹത്തിന്റെയും കാരുണ്യത്തിന്റെയും പ്രതിരൂപമായ തിരു നബിയുടെ ചര്യകള്‍ പിന്തുടര്‍ന്ന് ഐക്യത്തിലും സ്നേഹത്തിലും മത സാഹോദര്യത്തിലും ജീവിക്കാന്‍  മഹല്ല് ഖത്തീബ് മുഹുയ്ദ്ധീന്‍  സഖാഫി ആഹ്വാനം ചെയ്തു. സങ്കുചിത ചിന്തകളെയും സ്വാര്‍ത്ഥ മനസ്സുകളെയും ഇല്ലാതാക്കി രാജ്യ പുരോഗതിക്കായി അധ്വാനിക്കുബോള്‍ മാത്രമേ നമ്മുടെ ജീവിതം അന്വര്‍ഥ മാകുന്നുല്ലു എന്ന് അദേഹം ഓര്‍മിപ്പിച്ചു. ഡെല്‍ഹിയില്‍  നിന്നെത്തിയ അനീസ്‌ ഖാദിരിയുടെയും റസാ അഹമ്മദിന്റെയും ഖവാലി കാണികള്‍ക്ക് നവ്യാനുഭവമായി.

 
വാര്‍ത്ത അയച്ചു തന്നത് :  ഷഫീക് മുഹമ്മദ്