08 ജൂലൈ 2015

അച്ചാമ്മ തോമസ് കളത്തൂര്‍ നിര്യാതയായി.



       പുല്ലൂരാംപാറ കളത്തൂര്‍  പരേതനായ തോമസിന്റെ ഭാര്യ അച്ചാമ്മ തോമസ് (82) നിര്യാതയായി. സംസ്‌ക്കാരം നാളെ രാവിലെ (വ്യാഴം) 10.30 ന് പുല്ലൂരാംപാറ സെന്റ് ജോസഫ്സ് ദേവാലയത്തില്‍.
Read more ...

25 മാർച്ച് 2015

പൊന്നാങ്കയം എസ്.എന്‍.എം.എ.എല്‍.പി. സ്‌കൂള്‍ 63മത് വാര്‍ഷികം ആഘോഷിച്ചു.

   
  പൊന്നാങ്കയം എസ്.എന്‍.എം.എ.എല്‍.പി. സ്‌കൂള്‍ 63 മത് വാര്‍ഷികം തിരുവമ്പാടി ഗ്രാമപഞ്ചായത് പ്രസിഡന്റ് ഏലിയാമ്മ ജോര്‍ജ് ഉദ്ഘാടനം ചെയ്‌തു. വാര്‍ഡ് മെമ്പര്‍ ഓമന വിശ്വംഭരന്‍ അധ്യക്ഷത വഹിച്ചു. ഗിരി പി.വി., ശ്രീധരന്‍ പേണ്ടാനത്ത്, ബിനീത രാജേഷ്, കെ.കെ. ദിവാകരന്‍, എന്‍.ജെ. ജോസഫ്, പരമേശ്വര പണിക്കര്‍, സി.എസ്. ഗോപാലന്‍, നാരായണന്‍ കെ., എം.ടി. അമ്മിണി, ആരിഫ മേച്ചേരി എന്നിവര്‍ ആശംസകള്‍ നേര്‍ന്നു. ഹെഡ്‌മാസ്റ്റര്‍ ദിനേശന്‍ ഏം. റിപ്പോര്‍ട്ട് അവതരിപ്പിച്ചു. സ്റ്റാഫ് സെക്രട്ടറി ദിലീപ്കുമാര്‍ കെ.ജി. സ്വാഗതം ആശംസിച്ചു. സീനിയര്‍ ടീച്ചര്‍ ശ്യാമളാദേവി എം .കെ. നന്ദിയും പറഞ്ഞു. തുടര്‍ന്ന് കുട്ടികളുടെ കലാപരിപാടികള്‍ അരങ്ങേറി.




Read more ...

22 ഫെബ്രുവരി 2015

പുല്ലൂരാംപാറ ഹയര്‍ സെക്കണ്ടറി സ്‌കൂള്‍ വെബ്സൈറ്റ് ഉദ്ഘാടനം ചെയ്തു.


        പുല്ലൂരാംപാറ സെന്റ് ജോസഫ്‌ ഹയര്‍ സെക്കണ്ടറി സ്‌കൂളിന്റെ ഔദ്യോഗിക വെബ്സൈറ്റ് താമരശ്ശേരി രൂപത ബിഷപ്പ് മാര്‍ റെമിജിയൂസ് ഇഞ്ചനാനിനിയില്‍ ഉദ്ഘാടനം ചെയ്തു. ഹയര്‍ സെക്കണ്ടറി, ഹൈസ്‌കൂള്‍, യു.പി., എല്‍പി.  എന്നീ വിഭാഗങ്ങളുമായി ബന്ധപ്പെട്ട വാര്‍ത്തകളും, അക്കാദമിക  വിവരങ്ങളും ഉള്‍പ്പെടുത്തിയിട്ടുള്ളതാണ് വെബ്സൈറ്റ്. വെബ്സൈറ്റ് സന്ദര്‍ശിക്കാന്‍ ഇവിടെ ക്ലിക്ക് ചെയ്യുക.
Read more ...

17 ഫെബ്രുവരി 2015

ലിറ്റില്‍ ഫ്ലവര്‍ നേഴ്സറി സ്കൂള്‍ വാര്‍ഷികം ആഘോഷിച്ചു.


  പുല്ലൂരാംപാറ ലിറ്റില്‍ ഫ്ലവര്‍ നേഴ്സറി സ്കൂളിന്റെ 43മത് വാര്‍ഷികം ഫെബ്രുവരി 16ം തിയതി ആഘോഷിച്ചു. വൈകുന്നേരം ആറു മണി മുതല്‍ നടന്ന വാര്‍ഷിഘാഘോഷച്ചടങ്ങുകള്‍ പള്ളി വികാരി റവ.ഫാ. അഗസ്റ്റ്യന്‍ കിഴുക്കരക്കാട്ട്   ഉദ്ഘാടനം ചെയ്തു. പ്രൊവിന്‍ഷ്യല്‍ സുപ്പീരിയര്‍ റവ. മദര്‍ ലൂസി നേടുങ്കല്ലേല്‍ അധ്യക്ഷത വഹിച്ചു. തിരുവമ്പാടി ഗ്രാമപഞ്ചായത്ത് പ്രസിഡന്റ് ശ്രീമതി ഏലിയാമ്മ ജോര്‍ജ് ആശംസകള്‍ നേര്‍ന്നു. ചടങ്ങുകള്‍ക്ക് ശേഷം എല്‍.കെ.ജി, യു.കെ.ജി. വിഭാഗങ്ങളിലെ കുരുന്നുകളുടെ കലാപരിപാടികള്‍ അരങ്ങേറി.
Read more ...

14 ഫെബ്രുവരി 2015

ഇലന്തു കടവില്‍ പുതിയ പാലത്തിന്റെ നിര്‍മ്മാണം ആരംഭിച്ചു.


  തിരുവമ്പാടി-കോടഞ്ചേരി ഗ്രാമപഞ്ചായത്തുകളെ ബന്ധിപ്പിച്ച് പുല്ലൂരാംപാറ ഇലന്തുകടവില്‍ നിര്‍മിക്കുന്ന പുതിയ പാലത്തിന്‍െറ പ്രവൃത്തി തുടങ്ങി. അഞ്ചര കോടി ചെലവ് പ്രതീക്ഷിക്കുന്ന പാലം 18 മാസംകൊണ്ട് പൂര്‍ത്തിയാക്കാനാകുമെന്നാണ് പൊതുമരാമത്ത് അധികൃതരുടെ കണക്കുകൂട്ടല്‍. ഇലന്തുകടവില്‍ നിലവിലുള്ള പഴയ ഇരുമ്പുപാലത്തിന്‍െറ മുകള്‍ ഭാഗത്ത് ആനക്കാംപൊയില്‍ റോഡില്‍ നിന്നും പ്രവേശിക്കുന്ന  ഭാഗത്താണ് പ്രവൃത്തി തുടങ്ങിയത്. ആറ് തൂണുകളിലാണ് പാലം നിര്‍മിക്കുന്നത്. 93 മീറ്റര്‍ നീളത്തിലും 11 മീറ്റര്‍ വീതിയിലുമാകും പാലം യാഥാര്‍ഥ്യമാവുക. പാലത്തിന്‍െറ ഇരുവശത്തും ഒന്നര മീറ്റര്‍ നടപ്പാതയുണ്ടാകും. ഊരാളുങ്കല്‍ ലേബര്‍ കോണ്‍ട്രാക്ടേഴ്സ് സൊസൈറ്റിയാണ് പ്രവൃത്തി നടത്തുന്നത്.


Read more ...

13 ഫെബ്രുവരി 2015

ക്യുഡോസ് 2015 : സ്കൂള്‍ ഫെസ്റ്റ് ആഘോഷിച്ചു.


  പുല്ലൂരാംപാറ സെന്റ് ജോസഫ്സ് യു.പി.സ്കൂളിന്റെ സ്കൂള്‍ ഫെസ്റ്റ് ക്യുഡോസ്  2015 ആഘോഷിച്ചു. ഇംഗ്ലീഷ് ഫെസ്റ്റ്, പ്രതിഭാ സംഗമം, സ്കൂള്‍ ബാന്‍ഡ് സെറ്റിന്ന്റ്റെ അരങ്ങേറ്റം, ശാസ്ത്ര സമൂഹ്യശാസ്ത്ര പ്രവ്യത്തിപരിചയ പ്രദര്‍ശനം, ഇംഗ്ലീഷ് മാഗസിന്‍ പ്രകാശനം എന്നിവ നടന്നു. ഇംഗ്ലീഷ് ഫെസ്റ്റ് മുക്കം എ.ഇ.ഒ. അബ്ദുള്‍ സലാം ഉദ്ഘാടനം ചെയ്തു.സ്കൂള്‍ മാനേജര്‍ റവ.ഫാ. അഗസ്റ്റ്യന്‍ കിഴുക്കരക്കാട്ട് അധ്യക്ഷനായി. ഹയര്‍ സെക്കണ്ടറി സ്കൂള്‍ പ്രിന്‍സിപ്പല്‍ ബെന്നി ലൂക്കോസ് മാഗസിന്‍ പ്രകാശനം ചെയ്തു. ജില്ലാ സംസ്ഥാന തല മത്സരങ്ങളില്‍ സ്കൂളിനെ പ്രതിനിധീകരിച്ച 84 കുട്ടികളെ ആദരിച്ച പ്രതിഭാ സംഗമം തോമസ് വലിയപറമ്പന്‍ ഉദ്ഘാടനം ചെയ്തു.





Read more ...

09 ഫെബ്രുവരി 2015

JCI ഷട്ടില്‍ ടൂര്‍ണമെന്റ് : കൊടുവള്ളി ടീം ജേതാക്കള്‍.


     പുല്ലൂരാംപാറ ജൂനിയര്‍ ചേമ്പര്‍ ഇന്റര്‍നാഷണല്‍ സംഘടിപ്പിച്ച പ്രഥമ പ്രൈസ് മണി ഷട്ടില്‍ ടൂര്‍ണമെന്റില്‍ റെയില്‍സ് ആന്‍ഡ് ഗ്ലാസസ്  കൊടുവള്ളി  ജേതാക്കളായി. ഫെബ്രുവരി ഏഴാം തിയതി വൈകുന്നേരം ആറു മണി മുതല്‍ പുല്ലൂരാംപാറ സെന്റ് ജോസഫ്‌സ് ഹൈസ്‌കൂള്‍ ഫ്ലഡ്‌ലിറ്റ് സ്റ്റേഡിയത്തില്‍ നടന്ന ടൂര്‍ണമെന്റില്‍ മുപ്പത്തിനാലോളം ടീമുകള്‍ പങ്കെടുത്തു. പുലര്‍ച്ച വരെ നീണ്ട മത്സരങ്ങള്‍ അത്യധികം ആവേശം നിറഞ്ഞതായിരുന്നു. ഫൈനലില്‍ കാരക്കുന്ന് ടീമിനെ നേരിട്ടുള്ള സെറ്റുകളില്‍ പരാജയപ്പെടുത്തിയാണ് റെയില്‍സ് ആന്‍ഡ് ഗ്ലാസസ്  കൊടുവള്ളി ജേതാക്കളായത്.


      വിജയികള്‍ക്ക് RAILS AND GLASSES കൊടുവള്ളി നല്‍കുന്ന 5001 രൂപയുടെ ക്യാഷ് അവാര്‍ഡും പുതിയകുന്നേല്‍ ജോസഫ് മെമ്മോറിയല്‍ ഗോള്‍ഡന്‍ ട്രോഫിയും, റണ്ണേഴ്സപ്പായ ടീമിന്  OREN KITCHEN WORLDകൊടുവള്ളി  നല്‍കുന്ന 3001 രൂപയുടെ ക്യാഷ് അവാര്‍ഡും മലബാര്‍ മിനറല്‍ വാട്ടര്‍ പുല്ലൂരാംപാറ നല്‍കുന്ന ഗോള്‍ഡന്‍ ട്രോഫിയും സമ്മാനിച്ചു.


Read more ...